SIMPAY BASA SUNDA 2 pikeun SMP/MTs Kelas VIII (K-MERDEKA)

Simpay Basa Sunda

pikeun SMP/MTs Kelas VIII

Buku Simpay Basa Sunda pikeun SMP/MTs téh disusun dumasar kana prinsip-prinsip dasar Kurikulum Merdeka, anu mekarkeun Capaian Pembelajaran (CP)
jeung pangajaran diférénsiasi. Pidangan matéri ajar dipilih matéri nu ésénsial wungkul. Najan kitu, aya matéri ajar anu digabungkeun lantaran dianggap
ésénsial, tapi teu kawadahan ku bab pangajaran.

Ieu buku mangrupa wahana keur para siswa dina ngagelarkeun kompeténsi basa
jeung sastra Sunda. Matéri ajar diwujudkeun dina téks fiksi jeung téks nonfiksi,
anu wangunna ngawengku téks lisan, téks tulis, jeung téks multimodal (gabungan
téks lisan, téks tulis, jeung visual). Ari kagiatan diajarna nyoko kana kaparigelan
ngaregepkeun, maca, miarsa, nyarita, midangkeun, jeung nulis.

Dumasar kana wangun téks jeung kaparigelan basa, raraga pidangan ieu buku
dibagi jadi lima widang:
Panitén Basa, nyoko kana kagiatan diajar pikeun niténan jeung maham téks ku cara maca, ngaregepkeun, jeung miarsa.
Panyungsi Basa, nyoko kana kagiatan diajar pikeun maham kaweruh basa jeung sastra.
Panggelar Basa, nyoko kana kagiatan diajar pikeun ngedalkeun basa ku cara nyarita, midangkeun, jeung nulis.
Pangwuwuh Basa, nyoko kana kagiatan diajar pikeun nambahan matéri kana
panggelar basa, bisa kabasaan, atawa bisa ogé kedaling lisan jeung tulisan.
Pangjembar Basa, nyoko kana kagiatan diajar pikeun méré wawaran panambah ka nu geus bisa ngagelarkeun basa.

Kaunggulan ieu buku, nyaéta ngalarapkeun pamarekan étnopédagogik génreu kalawan modél merrdéka (mimiti tina diri, éksplorasi konsép, rohang kolaborasi,
réfléksi kaaping, démonstrasi kontékstual, élaborasi panyangkem, konéksi antarmatéri, jeung aksi nyata).

Pikeun ngukur kamampuh siswa, dina unggal ahir pangajaran ditambahan bagian
husus, nyaéta asésmen pangajaran, soal HOTS, soal AKM (asésmen kompeténsi
minimal), jeung motékar (praproyék).